فريق تسويق كامل، بلا ما تحتاج توظف حتى واحد.
من الفكرة حتى الزبون لي كيدخل للمحل: كلشي كيدوز عندنا، و نتا كتبقى عارف شنو واقع كل شهر.
إنتاج الفيديو
ريلز و تيك توك مكتوبين، مصورين و ممونتين باحترافية، مصممين باش يوقفو الناس من الثانية الأولى.
تصوير المنتوجات
صور نقية بضو احترافي لكل منتوج أو خدمة، صالحة للصفحة، للمنيو، للكتالوج و للإعلانات.
إدارة الصفحات
برمجة المنشورات و الستوريات، و الرد على التعليقات و الرسائل بسرعة، باش حتى زبون ما يضيع ليك.
الإعلانات الممولة
حملات على فيسبوك، إنستغرام و تيك توك، موجهة للناس لي قراب منك و لي عندهم نية يشريو.
تغطية المناسبات
افتتاح، منتوج جديد ولا عرض خاص؟ كنجيو نصورو اللحظة و نحولوها لمحتوى كيدور بين الناس.
تقارير و متابعة
كل شهر كتوصلك خلاصة واضحة: شنو تنشر، شحال من واحد شاف، و شنو خدم أحسن باش نزيدو فيه.
إلا عندك مشروع و بغيتي الناس يعرفوه، راك فالبلاصة الصحيحة.
اليوم، الزبون كيقلب عليك فالتليفون قبل ما يجي. الصفحة ديالك هي الواجهة الأولى ديال المشروع، و هي لي كتقرر واش غادي يدخل عندك ولا عند المنافس.
كتربح الوقت
ما بقيتيش محتاج تصور، تكتب و تنشر بوحدك. الوقت ديالك يمشي للزبناء و للخدمة.
كتبني الثقة
صفحة مرتبة و محتوى احترافي كيعطي صورة مشروع جدي، و الزبون كيثق فيك قبل ما يعرفك.
كتجيب زبناء جداد
المحتوى و الإعلانات كيوصلو مشروعك لناس عمرهم سمعو بيك، و كيردوهم زبناء.
مشاريع عطاتنا الثقة فالصورة ديالها.
مطاعم، سناكات، مقاهي و محلات كيخدمو معانا، و كنكبرو معاهم شهر بشهر.
4 مراحل بسيطة، و نتا مرتاح.
كتراسلنا
كتعرفنا على المشروع ديالك و شنو بغيتي توصل ليه.
كنقترحو الخطة
كنعطيوك الباقة المناسبة و جدول المحتوى ديال الشهر.
كنصورو
كنجيو عندك فنهار متفق عليه، بلا ما نوقفو ليك الخدمة.
الزبناء كيجيو
كننشرو، كنطلقو الإعلانات و كنتابعو النتائج معاك.
باقة لكل مرحلة من مشروعك.
الثمن كيتحدد على حسب النشاط ديالك و الاحتياجات. راسلنا و نصيفطو ليك العرض الكامل بالتفاصيل.
على الشهر الأول
ما لقيتيش الباقة لي على قدك؟ كنصاوبو ليك باقة خاصة، ولا خدمة وحدة بلا اشتراك.
عمّر هاد المعلومات، و نجاوبوك بالعرض المناسب ليك.
غير تضغط على الزر، الرسالة كتمشي لينا مباشرة فواتساب، و كنرجعو ليك بالباقات و الأثمنة بالتفصيل.
الجواب عادة فنفس النهار
عندك سؤال؟ ها الجواب.
واش خاصني نكون عارف فالتسويق؟+
لا. حنا كنتكلفو بكلشي من الفكرة حتى النشر. نتا غير كتوافق على الخطة ديال الشهر.
واش كتجيو تصورو عندي فالمحل؟+
إيه، الفريق كيجي عندك بالمعدات فنهار متفق عليه، و كنصورو كلشي بلا ما نوقفو ليك الخدمة.
كيفاش نعرف الثمن؟+
صيفط لينا فواتساب ولا عمّر الفورمولير، و نصيفطو ليك العرض الكامل على حسب النشاط ديالك.
واش الإعلانات الممولة داخلة فالثمن؟+
حنا كنديرو و كنسيرو الحملات، و الميزانية لي كتمشي لفيسبوك و إنستغرام كتحددها نتا و كتخلصها مباشرة.
واش نقدر نطلب خدمة وحدة بلا باقة؟+
إيه، تقدر تطلب فيديو، جلسة تصوير، تغطية مناسبة ولا تعاون مع مؤثر بوحدو.
وكالة إنتاج المحتوى و التسويق الرقمي. نتا ركّز على خدمتك، و حنا نتكلفو بالباقي.